Heildræn heilsa með Doctor Victor

Doctor Victor er á fleygiferð að kynna heildræna heilsu fyrir landsmönnum öllum þessa dagana.

Hann tekur forskot á sæluna með grunnskólanemum á Lýðræðishátíð unga fólksins, ræðir heilsu – líkamlega jafnt sem andlega, hvað við getum gert til að vera í góðu andlegu formi og tekur svo jafnvel lagið ef vel liggur við.

Doctor Victor, öðru nafni Victor Guðmundsson er læknir á daginn og tónlistarmaður á kvöldin og gerði fyrir um tveimur árum samning við SONY í Danmörku varðandi tónlistina – hann samdi einnig lag síðustu Ólympíuleika með tveimu öðrum.

Hann talar fyrir fyrirbyggjandi læknisfræði sem hann segir að snúist um fjóra þætti: svefn, hreyfingu, næringu og andlegt jafnvægi.,, Hægt er að sjá fyrir sér stól með fjóra fætur og ef einn brotnar undan fellur stóllinn” útskýrir Doctorinn.

Doctor Victor hlakkar til að ræða heildræna heilsu við ungt fólk á Lýðræðishátið unga fólksins.