Risastórar áskoranir blasa við íslensku samfélagi til þess að uppfylla alþjóðaskuldbindingar og markmið ríkisstjórnarinnar í loftslagsmálum.
Orkuskipti eru mikilvægur hluti af samdrætti í losun gróðurhúsalofttegunda en ekki er sama hvernig þau eru framkvæmd og hvernig orkunnar er aflað sem leysir jarðefnaeldsneytið af hólmi.
Landvernd hefur útbúið gagnvirkan orkuskiptahermi þar sem notendur geta skoðað áhrif ólíkra breyta á raforkunotkun til 2040.
Einnig verður fjallað um stærstu notendur raforku á Íslandi nú og skv. spám til 2040, forgangsröðun raforkunotkunar og aðrar aðgerðir en orkuskipti til þess að draga úr losun gróðurhúsalofttegunda frá íslensku hagkerfi.
Ágústa Þóra Jónsdóttir varaformaður Landverndar kynnir.
Aðgangur er ókeypis – öll eru hjartanlega velkomin
Landvernd stendur fyrir þessum viðburði.
