Það er ánægjulegt að segja frá því að Fundur fólksins verður haldinn í september næstkomandi, nánar tiltekið þann 15. og 16. september. Boðið verður upp á viðburði, kynningar og samtöl af öllum toga, því sem þátttakendur leggja áherslu á.
Sameinuðu þjóðirnar ákváðu árið 2007 að 15. september ár hvert skyldi vera alþjóðlegur dagur lýðræðis og er það því vel til fundið að opna Lýðræðishátíðina Fundur fólksins þann dag.
Lýðræðishátíð unga fólksins verður haldin þann 15. september milli kl. 10 og 13.
Við hvetjum samtök, stofnanir, fyrirtæki og stjórnmálafólk að setja lýðræðið á oddinn þennan dag, tengjast og taka samtalið.
Við hlökkum til!
