„Nýtt lagaumhverfi og hvað svo?“

 

Áhrif nýrra laga- og skattareglna á starf almannaheillasamtaka 

Stórbreytingar á starfsumhverfi almannaheillasamtaka ganga í gildi í haust, með nýjum lögum um félög til almannaheilla og nýjum skattareglum fyrir þriðja geirann. Nú kemur inn í skattalögin aukin hvatning til fyrirtækja og einstaklinga til þess að styðja við almannaheillastarfsemi–ef að líkum lætur mun þetta stuðla að bættri fjármögnun margra samtaka.

Ómar H. Kristmundsson prófessor mun fara stuttlega yfir aðdraganda og inntak þessara breytinga. Ómar tekur ennfremur þátt í pallborðsumræðum ásamt Rakel Lind Hauksdóttur fjármálsstjóra SOS barnaþorpa, Þóru Jónsdótur lögfræðingi Barnaheilla og fleirum.

Guðrún Agnarsdóttir fyrrum alþingismaður og fyrsti formaður Almannaheilla, samtaka þriðja geirans, stýrir fundi og umræðum.

Viðburðurinn er skipulagður af Almannaheillum – regnhlífarsamtökum þriðja geirans

filed under: